Chak zawka lirtheite tlan theihna tur motor kawngpui thar, Delhi leh Mumbai inkarah sial a ni dawn

0
208
views

Chak zawka lirtheite tlan theihna tur motor kawngpui thar, Delhi leh Mumbai inkarah sial a ni dawn a, hei hian Delhi leh Mumbai inkar zin kawng a ti tawi hle dawn tih Road Transport and highways Minister Nitin Gadkari a’n a puang. He hmalakna hi cheng vaibelchhe nuai 1 senna tur a ni a, kum 3 chhunga zawhfel tura a ni. Chambal Expressway Madhya Pradesh leh Rajasthan thlunzawm tur pawh sial tum mek a ni tih Minister chuan a sawi. Tun dinhmunah National Highway-8 in Delhi leh Mumbai hi a thlunzawm mek a, he kawng hi km 1428-a thui a ni a, darkar 24 vel tlan ngai a ni. Gadkari chuan Delhi lirthei tawt lutuk ti ziaawm turin project chi hrang hrang 10, cheng vbc 35,600 senna tur ruahman mek a ni a ti bawk a, Delhiah hian nitin sumdawng lirthei 40,000 vel an lut ziah anga chhut a ni a, hei hian boruak a ti bawlhhlawh nasa in lirthei a ti tawt zual hle a ni.