Chakma leh Hajong ral tlante khua leh tui nihna pek chungchang chin fel thuai a ni dawn – Arunachal Pradesh CM

0
309
views

Arunachal Pradesh CM, Pema Khandu-a’n an state-a Chakma leh Hajong ral tlante, ram khua leh tui nihna pek chungchang chu chin fel thuai a ni dawn niin Namsa-a district Secretariat thar hawnnaah a sawi a, hemi chungchanga buaina hi cancer natna nena khaikhinin, chin fel thuai a nih loh chuan nakin zelah thil \ha lo tak a thlen thei dawn niin a sawi. Sorkar chu mipuite harsatna su kiangtu a nih avangin, he buaina hi tlanchhiatsan a tum loh thu a sawi bawk. Namsa district-ah hian Chakma leh Hajong eng emaw zat an awm a, hei vang hian Pu Khandu-a chuan district mipuite hnenah hian buaina chinfel thuai a tiam a, a buaipuitu tur pawh din a ni tih sawiin, mipuite thlawpna an mamawh thu a sawi bawk. Puan tawh angin, kum 2015-a Supreme Court thupek bawhzuia, sorkar laipuiin he state-a Chakma leh Hajong-te chu ram khua leh tui nihna pek an nih tur thu a puan hnu khan zirlai pawl hrang hrangten lungawi lohna lantirin, buaina an siam a, All Arunachal Pradesh Students’ Union chuan darkar 12 chhung nawrh a huaihawt avangin khawsak phung a buai nasa hle a, he thil thleng avang hian CM hian Union Home Minister, Rajnath Singh-a hnenah sorkar laipui thutlukna hi pawm harsa a tih thu a hrilh a ni.