Chhatisgarh-ah nu pakhat, Sunita Kattam chuan ni 4 chhung ramhnuaiah a pasal, Santosh Kattam-a rubotute a chhui.

0
52
views

Sunita Kattam-i pasal hi kum 48 mi, Police a ni a, Maoists ten an man tih a sawi a, hel pawlten an rukbo chu \hu chunga lo nghah ringawt chu a thei lo tih a sawi a, helpawlte hnu chhui hian a feh chhuak a ni. Santosh Kattam hi Bijapur-a Bhopalpatnam police station-ah constable-in a awm mek a, tun thlatir khan Gorana khua a\angin helpawlten an ru bo a ni.

Tun thla ni 4 tlai khan Kattam hi in chhungkhur mamawh lei turin an in a\angin a chhuak a, In-ah hian a let leh tawh lo va, ni hnih a liam hnuah a nupui, Sunita chuan Maoists ten an rubo tih hria-in police te a hriattir nghal a, police-te hriattir mai chu duh tawk lovin, a hmelhriat te zawng zawng a pasal an hmuh leh hmuh loh a zawt kual a, Maoists te chet \hinna, Sukma district bul, Jagargunda chhehvelah a chhungte an chen avangin Maoists te lakah hian a mikhual lo hle tih Sukma chuan a sawi a, tun thla ni 6 khan a fanu kum 14 mi, tualchhunga chanchinbumite leh an khaw mi \henkhatten an khaw bul ramhnuai velah a pasal zawn hna an thawk a, an hmuh mai loh avangin Maoists te zawng hian Kattam-i hi a kal chhuak ta a ni. Constable Santosh hi ni 6 chhung an zawn hnuah Maoists chuan an chhuah a, an chhuah hma hian police-a \ang tawh lo turin an vau a ni.