Chi kawng cancer chhana Johnson’s Baby Powder puhtu US hmeichhe pakhat court-in thiam chantir

0
600
views

United States-a hmeichhe pakhatin a chi kawng cancer chhanah Johnson’s Baby Powder chu a puh a, kum 11 mi a nih atangin he powder hi a hmang tawh nia sawiin, a siamtute chu Los Angeles court-ah a khing a, court chuan Johnson & Johnson chu dollar mtd. 417 chawi tur leh, he sum hi kum 63 mi, Eva Echeverria-i hi pe turin thu a pe a ni. Eva Echeverria-i hian a cancer chhan hi he powder ngei hi nia sawiin, a siamtute hian a hlauhawm theih dan hi puangzar sela chuan, a him thei dawn niin a sawi a, Johnson & Johnson hi a thil siam, he powder leh Shower to Shower powder chungchangah khin fo a ni tawh a, thiam loh a chang deuh zel a ni. He company hian, an thil siam hian cancer a thlen thei lo nia sawiin, Los Angeles court thuchhuak hi court dangah a khin let tur thu a sawi. Damdawi leh cancer lam thiamte chuan he thilah hian ngaihdan inpersan tak an nei a, a then chuan, Johnson’s Baby Powder hian chi kawng cancer a thlen thei ngei niin an ngai a, sorkar hnuaia damdawi lam thiamte leh mi thiam dang thenkhat erawh chuan, hemi nemnghet tur hian a finfiahna tak tak a awm lo niin an sawi thung a ni.