Chief Minister, Pu Zoramthanga’n Sports Council hnuaia hna pek chu Central atanga sum lo kal, thil danga pawh pen theih loh anga a sawi chu a dik tawk lo tih Congress thupuangtu, Dr. Lallianchhunga’n a sawi.

0
11
views

MPCC Media Department Chairman, Dr. Lallianchhunga hian vawiin khan Aizawl Press Club-ah thuthar lakhawmtute kawmin, tun hnaia Chief Minister-in thuchah a tihchhuaha a thusawi te a chhanglet a. Budget tihfel sa, Department kut-a lut tawh tih danglam theih tawh loh anga a sawi pawh thu dik tawk lo a ni, a ti.

Congress party thupuangtu hian Sorkar sum indaih lohna phuhrukna tur, Supplementary Demand chungchang Chief Minister thu sawi pawh a dik tawk lo tih a sawi bawk.

Finance changtu Chief Minister, Pu Zoramthanga chu thu dik tawk lo hrilhtu an awm em ni tih chu an zawhna a ni tih MPCC thupuangtu hian a sawi.