PWD changtu Chief Minister Pu Zoramthanga’n Mizoram chhunga National Highway sorkar laipui enkawl te a chhiat avanga lirthei leh mipuiin an tawrhna sukiang turin state sum hmangin a chhe lai thawm that mek a ni a ti.

0
61
views

Road and Infrastructure Development Board thutkhawmnaah Chief Minister hian, Mizoram-a motor kawngpui highway pawimawh te siam thatu tur Contractor chu sorkar laipuiin a thlan a ni a, Contractorin hnathawktu tur duh khawp an hmuh loh avangin hna an tan thei lo tih a sawi a, kawng zawhtu lirthei ten harsatna an tawh avangin state sum hmanga enkawl tur ni lo mahse, mamawhna vangin temporary a thawm that a ni a ni ti a, tun hnuah hetiang harsatna hi a awm tawh lohna turin a hun laia vilzui a pawimawh a ni a ti.

Road and Infrastructure Development Board chu Mizoram chhunga kawng siam leh enkawl bakah building leh hmasawnna ruangam, infrastructure tih hmasawnna kawngah, Mizoram sorkar emaw sorkar laipui sum a ni emaw hnathawktute thawh dan enzuitu tur a ni tih Chief Minister hian a sawi a, fur ruahtui avanga kawng chhiain mipui harsatna a thlen lohna tura hmalak chu ngaipawimawh hmasak a tul a ni a ti.

Board member te hian team hniha inthenin kawng siam mek te enfiah an rel a ni.