Australia Prime Minister, Scott Morrision chuan hrileng laka inven nan a ram mi 600 vel China a\anga haw te chu Christmas Island-ah chawlhkar hnih chhung dah rih nise a ti a, Christmas Island hi khawmual a\anga km 2,000-a hlaah a awm a ni.
Hetihlai hian Japan, US leh EU te paw’n China-a an ram mi awm te an la chhuak a, British Airways chuan Shanghai leh Beijing-a service mihring phur thlawhna te chu a chawlh lailawk tir bawk a, Starbuck chuan China-a a dawr te chu a chanve vel a khar rih bawk. China President Xi Jinping chuan he hrileng hi sual hnathawh a ni a ti a, hneh ngei tuma beih a ni ang a ti bawk.
China ram National Health Commission-a mithiam te chuan he natna hri leng \aidarh san hunlai berin ni 10 aia tam a la awh dawn niin an sawi.
China bikah he natna vanga thi zat chu 132 an tling tawh a, a bikin kum upa lam leh thawkna lama harsatna nei saten he natna hi an kai hma bik niin NHC chuan a sawi bawk.
He natna hi dan phal loha sumdawngtuten lui lam sa Wuhan bazara an zawrh a\anga \aidarh nia ngaih a ni.
