He naute hi tun thla ni 2 khan coronavirus lanchhuahna hmun Wuhan-ah a piang a, kg 3.25-a rit niin tunah chuan a dinhmun a \ha niin a enkawltuten an sawi. He nausen pian hma hian a nu-in coronavirus a kai tih finfiah a ni a, naute hian a chhula a awm laiin nge a pian hnuah a kai tih hriat chian theih a la ni lo a ni.
Tun dinhmunah Coronavirus kai thi zat chu mi 563 an tling tawh a, mi 28,018-in an kai tawh bawk.
Mithiamte chuan he hri laka invenna tur damdawi hmuhchhuah tumin an bei mek zel a, Hubei province-ah chuan mi 70 an thih belh leh a, kai thar mi 2,987 an awm belh bawk. Hubei hi kar hnih vel lut leh chhuak an awm loh nan khar a ni tawh a, rel station, airport leh kawngpui zawng zawng khar vek a ni.
Ram dangah pawh he natna hi \aidarh tawh mahse, Philippines leh Hong Kong-a thi te tih loh chu mitthi dang report a la awm lo a ni.
Japan health ministry tarlan danin Yokohama lawng chawlhmuna khualzinte endiknaah mi 10 chuang coronavirus vei hmuh chhuah an ni a, he lawnga chuangte chu lawng chhuahsan rih lo tura tih an ni a, an hman tur hmaituamna 7,000 vel sorkarin a thawn nghal a ni. Mithiamte chuan lawng zim leh tawt lutukah coronavirus chu inkaichhawn a awlsam dawn nia hria-in khualzinte chu anmahni pindan \heuh chhuahsan lo turin an ngen a ni.
Hong Kong-ah pawh mi 3,600 vel chuanna lawng chu hren lailawk a ni a, he lawnga chuangte hi kar hnih chhung enthlak an ni ang.
