China-ah hmeichhe pakhat chu mobile phone-a game a khelh nasat avangin a mit ding lam a del

China rama Shaanxi province-ah hmeichhe pakhat, kum 22 mi chu chawl lova darkar 24 chhung, mobile phone-a game a khelh avangin a mit ding lam a del niin South China Morning Post chanchinbu-in a sawi. He hmeichhia hian mobile phone-a online game pakhat, Honour of Kings chu a atchilh hle nia sawi a ni a, he game a khelh lai hian a mit dinglamin thil a hmu fiah lo tial tial a, a del zui ta hial a ni. Damdawi ina a inentirnaah, doctor-te chuan a mit natna chi khat, retinal artery occlusion a nei tih hrilhin, a mit dinglama thisen zam hnawh pingtu a awm avangin thil a hmu thei lo niin an sawi a ni.