China-ah mi pakhatin a fanu kum 24 zet bo tawh a hmu leh

0
359
views

China ram mi pa pakhatin a fanu kum 24 zet bo tawh chu nasa taka a zawn hnuah a hmu ta. He pa Wang Mingqing hian beidawng lovin a fanu bo hi a zawng ngat ngat a, a fanu zawnga a beihna zingah Chengdu khawpuiah Taxi Driver ah te \angin, engtikniah emaw a fanu chu a phurh fuh mial beiseiin a mit a len reng a. Kumin kumtir lam khan a chanchin online-a tarlan chu a fanu hian lo hmufuhin a fanu nen hian an inbe pawp thei ta a ni. An pafa hian vawiin khan an inhmu a, China ram pumah an chanchin hria apiangin an lawmpui thu an sawi a ni. Wang-a fanu Quifeng hi kum 3 mi lek a nih laiin a bo a, Wang-a leh a nupuite hi thei zuara eizawng an ni a, kawngpui sira an thei zawrh laiin an fanu, an bula awm ve reng emaw an tih chu a lo bo daih tih an hrechhuak a, kum khat chuang zet khawpui chhung hmun hrang hrangah an fanu bo hi an zawng a, chanchinbu leh online lamah te pawh an fanu bo thu hi an chhuah bawk a, kum 2015 khan Wang-a hian ngaihtuahna thar neiin Taxi khalh turin a inpe a, a taxi darthlalang hnung lamah a fanu bo chanchin hi langsar taka tarin, passenger a phurh apiangte hnenah a fanu Quifeng chungchang inziahna lehkha a pe zel bawk a, Police te pawhin Qifeng ni thei awm hmeichhe tam tak chu an enfiah naa DNA test ah an inmil lo zel a, nikum kum tawp lam khan hmeichhe pakhat Kang Ying tih hmingpu chuan Police ten a lem an ziah, an thehdarh chu lo hmuin a pa Wang-a hi a be pawp a, DNA test an neih hnuah Wang-a fanu bo kha a ni ngei tih finfiah a ni ta a, kum 24 zet liam hnu vawiin khan Chengdu khawpuiah hian hlim takin an inhmu ta a ni.