China-in an ram President term hnih aia tam chelh khapna hlih tum

0
406
views

China-in an ram President hna, term hnih aia tam a zawna mi pakhatin a chelh khapna hlih a tum. China thiltum hian ngaihven a hlawh hle a, hei hian China hmalam hun nasa taka a thlak danglam bakah, khawvel pum huap pawhin nghawng thui tak a nei thei dawn a ni. Puan tawh angin, China President ni mek, Xi Jinping hi an ram hruaitute zinga thil ti thei berah puan a lo ni tawh a, tun hi tum hnih a zawna President atan ruat a ni tawh bawk a, China ruahmanna hi a tlang chuan, Xi Jinping hi hun rei tak President a ni chhunzawm thei dawn a ni.

Mi thenkhat chuan China thil tum hi North Korea ram inrelbawlna nen inang sawt hle niin an sawi a, dan leh thupek eng emaw sorkarin zam ve thin bawk mahse, an ram Communist Party emaw, mi pakhat thuneihna nemnghahna atan chauh heng dan-te hi a tangkai thin niin an sawi bawk a, tunhmaa USSR-in lalna inhlanchhawn chungchanga a hlawhchham ang khan, China pawh hi a hlawhchham mai an rin thu te an sawi bawk a ni.