China-in an rama N.Korea company te inkhar tir tum

0
298
views

UN-in North Korea, Nuclear bomb a en chhin avanga a hrekna chu bawhzui zelin, China rama North Korea company-te chu nakkum January hmaa inkhar vek tura tih an ni dawn niin China Commerce Ministry-in a sawi a, heng company-te hi ni 120 chhunga inkhar hman tura tih an ni a, hei hi tun thla ni 11-a UN Security Council-in North Korea hrekna a thar a pawm a\anga chhiar \an a ni. Puan tawh angin, China hian tun hnai khan UN thupek tlawhchhanin, thla leh, October ni 1 a\angin North Korea rama tuialhthei a\anga siam chhuah thil hralh chhuah a khap tur thu leh North Korea a\anga puan tah lak luh a tihtawp tur thu a lo sawi tawh a, UN hrekna thar hian North Korea ram sum dinhmun chu na takin a nghawng dawn niin mi thiamte chuan an sawi a, China nena an insumdawn tawnna a nghawng tel avangin North Korea tan hian a pawi thui hle dawn nia sawi a ni. US Secretary of State, Rex Tillerson-a chuan vawiin khan China khawpui, Beijing a thleng a, a cham chhung hian China sorkar mi pawimawhte kawmin, North Korea buaina chungchang a sawipui dawn a ni.