China in ram dang te vaukhan nan tuipui inchuh lai south china sea ah missile a bun

0
662
views

China in ram dang te vaukhan nan tuipui inchuh lai south china sea ah missile a bun tih US Defence Secretary James Mattis a’n a sawi. Singapore ah thu sawiin General Mattis chuan Beijing hmalak dan chuan tum engemaw a nei tih a lantir a ni a ti a, Beijing hian indona hmanrua chi hrang hrang, lawng kahna missile te, khawmual a\anga boruak kahna missile te, electronic Jammer te South China Sea bialah hian a bun a ni a ti. South Korea-a US sipai dah chungchang chu US President Donald Trump leh North Korea hruaitu Kim Jong-un te sawidun tur zingah a tel lo tih a sawi bawk a, US chuan Korean peninsula ah nuclear ralthuam tih tawp vek a duh a ni a ti. South Korea Defence Minister Song Young-moo pawhin Shangri-La Dialogue security summit ah hian thu sawiin South Korea-a US sipai dah mekte chungchang leh nuclear ralthuam tihtawp chungchang chu thil hrang hlauh a ni a ti bawk. South Korea ah hian US sipai 28,500 vel an awm mek a ni.