China in sumdawnna kawnga US a hrek letna White House in a sawisel

China in sumdawnna kawnga US a hrek letna chu White House in a sawisel a, China hian US a\anga bungraw lakluh chi hrang hrangah chhiah a ti pung a ni. Beijing hian America a\anga bungraw chawkluh chi 128 zetah chhiah zaa 25 in a tipung a, hei hi US President Donald Trump-a’n Steel leh Alluminium chawk luh a\anga chhiah lak a tih pun beihletna a ni. China hian hetianga chhiah a tih pun chhan hi China tana \ha ber tur leh China in a hloh a hmuhlet theihna tur a ni tih a sawi a, sumdawnna kawnga indona thleng thei reng a nih tak avangin US Stock market pawh a tlahniam nasa nghal hle. White House thupuangtu Lindsay Walters chuan felfai taka US in a thawn chhuahte bei let lo hian China hian US tana harsatna thlentu dik lo taka sumdawnna kalpui mekte a titawp zawk tur a ni a ti.