China lirnghingah mi 19 thi

0
552
views

China chhimthlanga Sichuan Province-ah nizan khan na takin lir a nghing a, mi 19 an thi a, midang 247 vel an hliam bawk. US Geological Survey chhut danin, lirnghing hi Richter Scale-ah 6.5-a na niin, lei hnuai km 9 vela thuk atanga intan a ni a, mithiamte chuan lirnghing intanna hi a thuk loh vangin a nghawng pawh a na hle niin an sawi. Lirnghing hian Guangyuan khawpui hmarthlang atanga km 200-a hla a awm, Zhangzha khua a sawi a, he khua hi khualzinte kalna thin, Jiuzhai Valley nen a inhnaih hle a, thi zingah pawh hian khualzin paruk vel an tel a, Sichuan sorkar chuan helai hmun atang hian khualzin 30,000 vel hruai chhuah an nih tawh thu a sawi. Tukin zing dar 7:30 vel khan China hmar thlang lama Xinjiang bialah Richter Scale-a 6.6-a na-in lir a nghing ni a sawi a ni a, lirnghingah hian mi 32 an hliam a ni.