Health Ministry sawi danin zirlai damlo hi pindan hrangah dah a ni aa dinhmun a \ha a, uluk taka enkawl mek a ni. China-a mi 170 velin an thihpui tawh Coronavirus hi an kai leh kai loh vil zui mek mi 400 vel Kerala ah hian an awm mek a, Delhi leh Mumbai ah te pawh he natna kai ni thei awma hlauhthawn mi engemawzat chu an awmna tur bika duan damdawi in pindan hranga enkawl an awm mek a ni.
Health Ministry chuan January ni 1 hnu lama China-a zin, thawkna lama harsatna nei emaw, khuh nasa emaw, khawsik ser ser emaw nei te chu an awmna hnai ber damdawi in-a in report turin a ngen a, hetih rual hian thlawhna \umhmun hrang hrangah passenger sing 3 chuang an hriselna endik a ni bawk.
Sorkar laipui chuan China Wuhan khawpuia tangkhang India mi 250 a\anga 300 vel te hruai chhuak turin China sorkar a dawr mek bawk a ni.
