China ram khaw pakhat Wuhan a\anga \aidarh nia hriat, natna mak tak chu a \aidarh a\anga ni hnih liam hnuah mi 139-in an kai tih hmuh chhuah a ni a, natna kai hmuh chhuah tawh chu mi 200 aiin an tam tawh a, mi 3 an thi tawh a ni.

Beijing-ah chuan mi pahnihin he natna hi an vei tawh a, Shenzhen-ah chuan mi pakhat rinhlelh a ni bawk. He natna hi ran a\anga kai chhawn theih nia hriat a ni a, nikum December thla khan Wuhan a\angin a \aidarh a, a tirah chuan chuap natna, pneumonia-in a thlen nia ngaih a ni a,a inkaichhawn theih dan pawh chiang taka hriat theih a la ni lo a ni.

South Korea, Thailand leh Japan-ah te pawh he natna hi a \aidarh tawh a ni. Kum 2000 khan Asia khawmualpui ram hrang hrangah Sars natna a lo darh chiam tawh a, mi 774-in an thih phah a, tuna he natna leng mek hi Sars nen a inang hle tih mithiamten an sawi.