China sipai hotu hlui intihlum

0
422
views

China sipai hotu hlui, General Zhang Yang chu a intihlum nia puan a ni a, Zhang Yang hi sipai hotu dang pahnih, eiruk thubuai nei mekte nena inzawmna neia puh a lo ni tawh a, chhui chian a nih hnuah, sipai thuthlung leh ram inrelbawl dan bawhchhiain, thamna pawisa engemaw zat a lak bakah, amah ngei pawhin mi engemawzat a tham tih finfiah a nih thu, China sorkar chanchinbu, Xinhua chuan a sawi a, kar kal ta Ningani khan a chenna inah a inawkhlum niin a sawi bawk a ni. Puan tawh angin China sorkar chuan tun hnaiah an sipai hotute zinga ei ru a chhui nasa hle a, sipai hotu chawl tawh \henkhat phei chuan sorkar beihpui thlak hi a nasat em avangin, an ram sipai dinhmun pawh a tlakhniam phah an rin thute an sawi hial a ni.