China sipaiten Russia sipaite hnen a\anga indo thlawhna leh missiles an lei avangin US in china sipaite a hrek.

0
492
views

 

Hetianga ram pahnihte ralthuam in lei tawnna hi Ukraine laka Russia chet dan leh US politics-a inrawlha puh a nih vanga US in Russia a hrek mekna kalh a ni tih US chuan a sawi. China hian tunhnai khan Russia indo thlawhna Sukhoi Su-35 sawm leh S-400 missile te a lei a, US leh khawthlang ram \henkhatin Russia an hrekna hi China chuan a zawm ve lo thung. Russia in kum 2014-a Ukraine a\anga Crimea a lak hnuah US leh Russia inkar boruak hi a \ha lo chho hle a, US President thlanna-ah Russia inrawlha puh a nih vang leh Syria tualchhung buainaa inrawlha puh anih bawk avangin US nena an inkar a \hat lo zual a ni.

US in china a hrekna hi China chuan na takin a sawisel nghal a, US thil tih dan chu chhan mumal awm lo a ni tih foreign ministry thupuangtu Geng Shuang chuan sawiin, US chuan a hrekna a hlip nghal lo anih chuan a sawhkhawk a tuar ngei dawn a ni a ti.

Russia Deputy foreign minister Sergei Ryabkov pawhin US thil tih dan chu khawvel muanna ti chhe thei leh ram hrang hrangte inlaichinna tih chhiatna a ni a ti a, US chu fimkhur turin a ti a ni.