US-in public health emergency a puan hnu kar hnihah China-a zin te reng reng an rama luh a khap leh a, hemi vang hian mipuite an thlabar niin China Foreign ministry thupuangtu Hua Chunying chuan a sawi a, US-in coronavirus a hmachhawn dan chu mipuitea hlauhna tuhna mai a ni a ti.
Hua Chunying chuan China harsatnate puih aiin hlauhna thehdarh kawngah US chuan \hahnem a ngai zawk tih sawiin, China a\anga an rama zin khaptu hmasa ber ram a ni a ti a, ram changkang US te ang chu hri leng laka invenna kawngah pawh an sang hle tura ngaih an nih laiin ramdang mite laka khuahkhirhna kalpui lama hmahruaitu an ni daih chu a dem hle tih a sawi bawk.
