CIA Director Mike Pompeo chu North Korea hotupa Kim Jong-un hmuin a rukin North Korea-ah a zin tih US chanchinbuten an ziak

CIA Director Mike Pompeo chu North Korea hotupa Kim Jong-un hmuin a rukin North Korea-ah a zin tih US chanchinbuten an ziak. US President Donald Trumpa leh Kim te hmaichhana an inbiak hun tur ngaihtuahin April ni 1 khan Mike Pompeo hian Kim hi a hmu niin official pakhat a hming tarlan loh chuan a sawi. Trump hian Korea ram hotulu nena inbiak hi a lo remti tawh a, kum 2000 hnu lamah North Korea leh US hotute hi an la in be leh lo a ni. US president Trumpa hian Japan Prime Minister Shinzo Abe Florida-a a lo dawnsawnnaah North Korea hruaitu pawimawh te nen an inbiak thu hi a sawilang bawk a, hei bakah hian Trump-a chuan North leh South Korea te chu boruak \ha tak hnuaiah tluang taka an inbiak theih a duh thu pawh a sawilang tel bawk. South Korea president Moon Jae-in leh Kim te hi April thla tawp lamah an inbe dawn a ni. Pompeo an North Korea a tlawh thu hi Washington Post chuan a ziak hmasa ber a, Reuters pawhin hei hi a dik ngei tih an nemnghet tih an sawi zui ve leh a, White House erawh chuan engmah a la sawi chhuak lo thung.