USCIRF hian CAA pass a nih hnua dodalna nasa tak a thlen dan leh sorkarin dodaltute hmehmih a tumna lama tharum thawhna thlen dan te a report ah hian a tarlang a, National Register of Citizen kalpui chhunzawm tum anih avangin Muslim tam tak chu vote nei thei lova siam theih an ni dawn tih a tarlang a ni.
CAA hi Hindu, Sikh, Jain, Parsi, Buddhist leh Christian sakhaw betu, Pakistan, Afghanistan leh Bangladesh a\anga India rama raltlanten khua leh tui nihna an hmuh theihna tur a ni a, USCIRF hian he dan hi na takin a lo sawisel nghal tawh a, US chu India Home Minister Amit Shah hrek turin thurawn a lo pe tawh a ni.
Hetihlai hian India chuan USCIRF thu vuakthlak dan chu behchhan \ha tawk awm lo leh, thudik tawk lo a ni a ti ve thung a, CAA chu sakhuana avanga nekchepna tawngtute hnena khua leh tui nihna awlsam zawka pek theihna tur a ni zawk tih a sawi thung.
