Cauvery Management Board din tura hun tam zawk sorkar laipuiin SC a dil belh vanga lungawilohna lantirin vawiin khan Tamil Nadu-ah rorel lai, AIADMK-ten chaw an nghei. Chepauk-a chaw ngheina hmunah hian State CM E Palaniswami leh Deputy CM, O Pannerselvam-te pawh an tel ve a, an party thuchhuak chuan sorkar laipuiin tun thlenga Cauvery Management Board a la din lo chu an dem tih tarlan tuma chaw nghei an ni a ti a, Delhi-ah pawh AIADMK MP-te chuan Parliament tual-ah an lungawilohna an lantir ve bawk a ni.
Chanchin Thar CMB din chungchanga sorkar laipui laka lungawilohna lantirnan AIADMK-ten chaw nghei
