Cochin International Airport-ah Air India thlawhna chesual

Mi 102 vel chuanna, Air India thlawhna chu Kerala-a Kochi khawpuia tumhmun, Cochin International Airport-ah chesualin, tuihawk luan kawrah a tawlh lut a, thlawhnaa chuangte hi an vaiin him taka hruai chhuah nghal an ni. Thlawhna hi tukin dar 2:40 vel khan a tum a, a tum hnu hian a dinna tur hmun pana a tlannaah a kual hun tur aia hmaa a kual avangin a kawng ni loah a tlan a, hei vang hian a ke chu tuihawk luan kawrah a tla lut ta a ni. Cochin International Airport thupuangtu chuan thlawhna a chuang, mi 102-te chu leihlawn hmanga chhanchhuah vek an ni tih a sawi a, hliam an awm lo niin a sawi bawk. Thlawhna hi hnuh chhuah a ni tawh a, Directorate General of Civil Aviation hnenah thil thlen dan report thehluh a ni tawh a, DGCA hian thlawhna chetsual dan hi a chhui chiang mek nia sawi a ni. Kar hmasa khan US-a San Francisco khawpui lama pana thlawk tur, Air India thlawhnaah sazu a awm avangin darkar 9 vel tihkhawtlai a ni tawh bawk.