Congress hruaitu hlun leh Gandhi chhungkaw thian, Makhan Lal Fotedar thi

0
604
views

Congress hruaitu hlun, Gandhi chhungkua hnai taka thawhpui \hin, Makhan Lal Fotedar chu nimin khan Gurgaon damdawi inah a thi a, kum 85 mi a ni. Pu ML Fotedar-a hi Kashmir lam mi, Jawaharlal Nehru-a hun lai, kum 1950 chho a\anga politics-a tel a ni a, he party-a mi pawimawh ber pakhat a ni chho ta a ni. Kum 1980-ah khan PM, Indira Gandhi-i political secretary a ni a, a thih hnu khan a fapa, PM, Rajiv Gandhi-a political secretary, kum thum chhung a ni zui leh a, Union Cabinet Minister a ni bawk. Congress party thuneitu sang, Congress Working Committee member pawh a ni reng \hin a, a hun tawp thlengin CWC-ah hian permanent invitee a ni. Pi Sonia Gandhi chuan Pu Fotedar-a chu a ui thu sawiin, rinawm taka mipuite rawngbawltu a ni, a ti a, Congress party hruaitu chhuanawm tak a nih avangin a hmun ruak chu hnawh khah theih a ni dawn lo tih a sawi. Pu Fotedar-a hian a lehkhabu ziahah Rajiv Gandhi-a te nufa tlin lohna te pawh a ziak a, Rahul Gandhi-a chu ram mipuiten hruaitu atan pawm harsa an ti nia sawiin, Nehru chhungkaw kal zel hun chu a tawp ve tawh nia a hriat thute pawh a ziak a ni.