Rahul Gandhi hian April thla khan Karnataka inthlanna campaign-ah rukru zawng zawngten an hnam hmingah Modi tih an pu tel vek tih a sawi chu intihmingchhiatna a ni tiin a lakah hian thubuai ziahluh a ni.
Rahul Gandhi hian thiam lohna a nei lo tih sawiin, Court-in he thubuai a ngaih chhunzawm turah amah inlan chhunzawm tawh loh a dil nghal a, Court chuan December ni 10-ah a thubuai ngaihtuah leh a nih tur thu hrilhin, Rahul Gandhi-a chu Court-a a inlan kher a \ul tawh loh tur thu a sawi.
Rahul Gandhi chuan Surat Court-a a inlan chhan chu politics-a a elpuiten a hmui hupsak an tumna chikhat a ni a ti a, amah thlawpa \antu Congress worker te a fak bawk a ni.
