India ram sum leh pai dinhmun a tlakhniam ber laia central sorkarin budget a buatsaih hi Feb ni 1-a pharh tura rin a ni a, sorkar kum kallaia sum leh pai \hanna tur chu zaa 5 ni tura chhut a ni a, hei hi kum 11 kalta chhunga a hniam ber \um a ni dawn a ni.
Prime Minister in budget buatsaihna kawnga inrawnkhawmna zau tak a buatsaih mek chu sorkarin ram sum leh pai dinhmun tla hniam vanga mipuite tawrhna hliah khuh a tumna a ni tih Rahul Gandhi chuan a sawi a, loneitu, hmeichhiate leh zirlaiten harsatna nasa tak an tawk mek a ni a ti.
sorkarin budget a buatsaih mek chu mi hausa zualte vur belhna tur a ni tih Rahul Gandhi chuan sawiin, loneitu, zirlai, \halai, hmeichhia te leh mipui nawlpuite harsatna erawh sorkarin a hmuh kan a ni a ti.
