Congress leh Aam Aadmi Party te an thawhdun rin a nih laiin Aam Aadmi Party hruaitu leh Delhi Chief Minister ni bawk Arvind Kejriwal-a’n CM hlui Sheila Dikshit-i kaihhruai Congress sorkar a sawisel.

Kejriwal chuan Sheila Dikshit-i khan Delhi sorkar a kaihruai \ha lo a, thuneihna a chelhlai khan zirna in leh damdawi in te dinhmun a chhe hle a ni a ti a, a hunlai khan sorkar kaihruai \ha se chu tuna an party hi a din \ul a ti lo ang a ti. Kejriwal hian PM Narendra Modi a sawisel bawk a, sikul thar din te, damdawi in leh Mohalla Clinic sak te bakah hna pawimawh dang thawh a tum apiangin Modi-a sorkar hian a dang zel niin a sawi a, Delhi-a CCTV camera vuah chungchang file pawh kum 3 chhung an pass duh lo a ti a, State tinin thuneihna changtlung tak an neih laiin Delhi-ah chuan hma lak an tum apiangin sorkar laipui phalna lak zel a ngai a, sorkar hna tihbahlah ching sorkar chuan hnehna a chang leh a nih chuan kum 5 lo awm turah pawh a tibahlah chhunzawm zel dawn tih a sawi. AAP hian Lok Sabha inthlan lo awm turah Delhi-a bial 7-a ding tur candidate a puang tawh a ni.