Congress nihna leh zepui pawlh dultu tur chu pawl dang thawhpui tih President in sawi

0
290
views

President hlui, Pranab Mukherjee chuan sorkar siam duh avanga pawl dang thawhpui chu Congress nihna leh a zepui a pawlh daltu tur niin a sawi a, BJP ep tura pawl dangte nena thawhho dan tur an buaipui lai taka a lehkhabu tlangzarh t^k, ‘The Coalition Years: 1996 to 2012’-ah Pu Mukherjee-a chuan, kum 2004-a inthlanpuia BJP hneh nana Congress-in pawl dang thawhpui a tum pawh khan a dodal tih sawiin, hei hi tun thleng hian a ngaihdan a la nih thu a sawi. Pu Mukherjee-a chuan Congress party-in a zepui leh a nihna a vawn him theih nan mahni-a a din a ngai niin a sawi a, kum 2003-a Shimla-a Congress hruaitute \hutkhawmnaa sakhaw tih bik nei lote nena thawhho an rel pawh kha \ha a tih loh thu sawiin, a dodaltu awm chhun niin a insawi. He lehkhabu thar hi Zirtawpni khan tlangzarh a ni a, Congress President Sonia Gandhi, PM hlui, Manmohan Singh, Congress vice president Rahul Gandhi leh an thawhpui pawl dang engemawzat hruaitute an tel a ni.

Pu Pranab-a hian, kum 2012-a President atana thlan a nih hma khan Shiv Sena hruaitu hlun, Bal Thackeray-a nena an inkawm avangin Congress President, Sonia Gandhi pawh a chungah a lawm lo niin a ziak a, President thlanna atana a campaign lai khan Maharashtra a tlawhnaah amah thlawptu, Thackeray-a nen khan an inkawm tih sawiin, a in, Matoshree a tlawh theih nan an lo inbuatsaih nasa hle tih a sawi. An thawhpui, Nationalist Congress Party hruaitu, Sharad Pawar-a pawhin Pu Thackeray-a hi kawm ngei tura a ti bawk nia sawiin, BJP thawhpui hlun, Shiv Sena hotupa-in amah chu a thlawp ve niin a sawi a, BJP kalsana amah thlawptu chu kawm ve a duh avangin Sonia Gandhi-i remti lo chung, \umhmun a\angin Sharad Pawar-a nen Thackeray-a in hi an pan nghal a, Delhi-a a haw leh hnuah Thackeray-a a hmuh avang hian Sonia Gandhi leh a political secretary, Ahmed Patel-a chu an lungawi lo tih a hriat thu leh, heti chung hian a thil tih chu dika a ngaih thu a sawi bawk.