Priyanka Gandhi Vadra bakah Rajasthan CM Ashok Gehlot leh Deputy CM Sachin Pilot te chuan Rahul Gandhi hi a chenna inah an tlawh a, an party hotu dangte nen inhmuhkhawm an rawt nghal a ni.
Puan tawh angin, Lok Sabha inthlan neih zawh takah khan Congress party hian seat 542-ah seat 52 chauh a chelh thei a, eptu pawl hotu nihna pawh an chelh zo lo a, Rahul Gandhi chuan hei hi hlawhchhamna a nih thu leh a mawhphurtu a nih thu inrinni kalta khan a lo sawi tawh a, hei vang hian party President a nihna a\ang ban a duh thu a sawi bawk a, Congress hotu Ahmed Patel leh KC Venugopal te chu a aiawh zawng turin a ti a, a nu Sonia Gandhi leh a unaunau Priyanka Gandhi Vadra te ruat lo turin a hrilh bawk a ni.
Congress hotute chan Rahul Gandhi hi bang lo turin ti mahse, a rilru a thlak a rinawm loh avangin hruaitu thar nei turin an rilru an siam mek a, party hruaitu thar hi Rahul Gandhi, Sonia Gandhi leh Priyanka Gandhi Vadra te pawm mi a ni tur a ni tih sawi a ni bawk a ni. Congress Working Committee hi tun kar chhung hian an inhmuhkhawm leh rin a ni.
