Congress President atan Rahul Gandhi dah a ni dawn

0
448
views

Rahul Gandhi-a chu thla leh ni 4 khian Congress President-ah dah a ni dawn nia hriat a ni a, t<kin khan an party hruaitu pawimawhte chu Pi Sonia Gandhi-i hovin a inah an \hu khawm a, hei hi an tifel thawkhata ngaih a ni. Congress hruaitute hian an party chhunga hruaitu thlanna zawh fel hun tur an tifel a, kum 47 mi, Congress Vice President hian party President hna kum 17 thawk tawh, a nu, Pi Sonia Gandhi a thlak dawn a, chuh lohva a tlin rin a ni. Congress President thlanna chuh duhte tan thla leh ni 4 thleng hun hawn a ni ang a, mi dangin an chuh loh rin a ni a, chuh an awm chuan ni 15-ah vote thlak a ni ang a, December ni 19-ah result puan a ni ang. Gujarat Assembly inthlana vote thlak ni hmasa, December ni 9 hmain Rahul Gandhi hi Congress President a nih hman rin a ni a, vawiina an \hutkhawmnaah hian Rahul Gandhi chuan PM, Narendra Modi leh BJP President, Amit Shah-a te state, Gujarat-ah hian hmasawnna a awm lo nia sawiin, BJP hian sawi tur pawh an hre lo niin a sawi a, Gujarat-ah hian BJP-in kum 22 ro an rel tawh avangin, Rahul Gandhi hian a bei nasa hle a ni. Congress hruaitu dangte chuan Gujarat Assembly inthlana hman tur, vote thlakna khawl, Electronic Voting Machine-te chu khawih chingpen loh ngei a nih \ul an tih thu an sawi a, Congress leh eptu pawl \henkhat chuan Uttar Pradesh leh Uttarakhand Assembly inthlanah EVM khawih chingpen a nih avangin BJP an chak niin an ngai a ni. Thla hmasa khan Pi Sonia Gandhi hian Rahul Gandhi hi party President-ah hlan kai thuai a nih tur thu a lo sawi tawh a, kum 70 mi, Pi Sonia Gandhi hi an party chanchinah President ni rei ber a ni a, tun hnaiah a bawrhsawm deuh avangin a tih tur tih theih loh a nei nual a, kum 2013 January thla a\anga Vice President, Rahul Gandhi hian a nu tih tur tam tak a tih kêp a ngai tawh a ni.