Kum 8 chhung zet lo inchiah tawh hmeichhe seat hauhsakna tur dan pass anih theihna turin Prime Minister chu Party politics piah lama hma la turin Rahul Gandhi chuan a phut tih a sawi a, congress chuan he bill pass anih theihna tur hian intiamkamna engmah awm lovin a thlawp dawn a ni a ti. He bill hi Parliament leh State Assembly-a seat awm zawng zawng hmun thum a \hena hmun khat hmeichha te tana hauhsakna tur a ni a, kum 2010 khan Rajya Sabha ah chuan pass a lo ni tawh a, Lok Sabha ah a tang zui ta a ni.
Prime Minister-in hmeichhiate chawikan a \ul thu hmun hrang hranga a sawi \hin tihhlawhtlinna tur chu he bill hi a ni tih Rahul Gandhi chuan a sawi a, Parliament Session lo awm leh tura pass anih theihna tura hma la turin Prime Minister chu a phut a ni. Congress hotupa hian he bill thlawptu te hming ziak maktaduai 3 leh nuai 2 an party chuan a la khawm tawh tih a sawi. Hmeichhiate seat hauhsakna tur dan hi RJD leh Samajwadi Party te chuan an duh loh thu an lo sawi tawh a ni.
