Ram chhunga Coronavirus a len hnuah Sonia Gandhi hian sorkar a sawisel vawikhatna a ni a, India khualehtuite hri leng laka an him zel theih nan thlei bik nei lova lungrual taka hmalak a \ul hle laiin BJP chuan sakhua leh sakhua inkarah inhuatna hri \ha lo an thehdarh chhunzawm zel a ni a ti a, he kalphung \ha lo tak hi an party chuan siam\hat tumin rim takin hna a thawk a ni a ti.
Congress President hian Prime Minister Narendra Modi hnenah pawh vawi tam lehkha a thawn tawh tih a sawi , a lehkhathawnah chuan coronavirus do nan thawh hona chak tak neih theih dan tur rawtna pawh a ziak tih a sawi a, thingtlang leh khawpuia chengte harsatna tawh chhawk zangkhai theih dan turah pawh rawtna a thlen tih a sawi a, vanduaithlak takin hleih nei takin thil \henkhatah chauh sorkarin hma a la a ni a ti.
