Ram hrang hrangah zirna in te khar a ni a, Italy chu coronavirus vanga zirna in khar tharlam ber a ni a, IMF chuan he hri beihletna kawngah theihtawp chhuah turin ram hrang hrangte thurawn a pe a ni.
UNESCO chuan ram hrang hrang 13 ah zirna in te khar a nih thu hi a sawi a, hei hian zirlai maktaduai 300 vel zet a nghawng a, ram pakua chuan tual chhung thuneitute kaltlangin zirna in engmawzat an khar bawk a ni. UNESCO hotu Audrey Azoulay chuan hrileng engemaw avanga zirna in khar lailawk chu thil danglam ni lo mahse, tuna coronavirus avanga zirna in khar zat erawh a tam hle a, khar chhung hi a rei chuan zirlaiten nasa takin an tuar thei dawn a ni a ti.
Italy ram chuan School leh University te chu March ni 15 thleng khar rih turin a hriattir a, an ramah hian mi 107 in coronavirus hi an thihpui tawh a ni. South Korea ah pawh zirna in te hi March ni 23 thleng khar tur a ni.
