White House chuan US dollar tluklehdingawn 1 aia tam chu hri danna vaccine siam nana dah turin a ngen a, a bang zawng chu hri laka invenhimna thawmhnaw leh hmaituamna atan te hman ni se a duh tih a sawi.
Coronavirus vang hian sumdawnna a\anga sum lakluh a tlahniam nasa em em a, hei hian khawvel puma sum leh pai dinhmun pawh a nghawng thei thuai dawn nia hriat a ni a, hei vang hian Trump-a sorkar rorelna chuan he natna hri leng mek bei let tur hian an thawh chhuah a hun tawhin an hria a ni.
US-ah chuan Covid-19 natna vei hi mi 58 vel an awm tawh a, China-ah chuan hriat theih chinah mi 508 kai thar an awm leh a, mi 71 an thih belh bawk a ni. China-a Covid-19 kai tawh zawng zawng chu mi 77,658 an tling tawh a, mi 2,663 an thi tawh bawk.
