Coronavirus zingah hian Middle East Respiratory Syndrome (MERS) leh Severe Acute Respiratory Syndrome (SARS) te a lo leng tawh a. Tun \uma coronavirus leng mek hi Covid-19 tih vuah a ni a, nikum December thla khan China khawpui pakhat, Wuhan a\angin a \aidarh a ni.
Covid-19 mihringa a lan chhuah dan tlanglawn chu khawsik, chau ngawih ngawihna leh khuh ro a ni a, a vei \henkhatah chuan taksa na te, hnar ping, hnap tui, hrawk thip emaw khaw\halo thleng pawhin a lang chhuak a, he natna hi a lang chhuak lawk lova, zawi zawiin taksaah a in\ham chho a, mi \henkhatah chuan a lan chhuah loh mai bakah anmahniah pawh harsatna an tawk lo a ni.
A vei zinga za zela 80 vel chu damdawi pawh ei lem lovin an dam a, a vei mi 6 zinga mi 1 chuan thawkna lamah harsatna tawkin a thawk na hle a, kum upa lam leh natna dang, BP sang, chuap \ha lo leh zunthlum nei sa te-ah a thawk na bik bawk nia sawi a ni a, khawsik, khuh leh thawkna lama harsatna neite chu a rang lama doctor te rawn turin thurawn pek an ni.
A kai tawh bula awmin he natna hi a kai darh theih a, khuh, hahchhiau leh a veiin a khawih hnu khawih a\angin a inkaichhawn theih a ni a, he natna hi a veitu-in a khuh emaw a hahchhiau emawa a inhup loh emaw, a khawih hnu a tihfai lehnghal loh chuan midang a kaichhawng thei a, Covid-19 veitu-in a khawih hnu tu-in emaw a khawih a, a mit, hnar leh ka te a khawih khan Covid-19 a kai ve nghal zel thei a ni. Hei avang hian mipuite chu in hnaih taka awm lo turin mithiamten an chah a, damlo bul hnai taka awm lo tur leh damlo chu meter 1 vel tala hlata awm turin chah an ni. World Health Organization chuan Covid-19 darh zel tur ven dan tur hi a zirchiang mek zel a ni.
