Coronavirus hri leng vanga ram puma inkharkhip chu a thawh li-na hman \an a ni leh ta a, sorkar laipui chuan hmun tam takah inkharkhipna thupek a thlahdul a, chung hmunah te chuan mimal leh vantlang veivahna lirthei tlan a phal a ni.

0
36
views

Ministry of Home Affairs chuan inkaihhruaina dan thar tichhuakin mimal lirthei leh bus inter-state-a tlan a remti leh tawh a, amaherawhchu, hri kai awm tamna hmunah chuan he dan thar hi hman a ni rih lo ang.

He inkaihhruaina dan tharah hian taxi, auto rickshaw leh bus te pawh an service \an leh thei tawh a, vawiin thleng khan hri kai awm lohna leh awm tlemna hmunah te chuan taxi chauh tlan phal rih a ni a, hetihlai hian lirthei pakhatin a phurh theih chin zat bituk a ni bawk a, Auto leh Taxi-ah chuan mi 1 chauh chuan phal a nih laiin mimal lirtheiah chuan a khalhtu bakah mi 2 an chuang thei thung a ni. Hri kai awm tamna, red zone-ah chuan Two Wheeler-ah midang phurh phal a ni lo tih ministry of home affairs chuan a sawi.