Coronavirus hri leng vangin khawvel hmun hrang hranga vantlang hmun leh hmun lunlaiah te chuan mihring leh lirthei veivak hmuh tur an awm tawh lo va, ram hrang hrang hruaituten mipuite pawn chhuak lova tawmim rih tur leh an hna pawh a theih ang ang in lama thawk tura an tih vang te, mipui punkhawm an khap vangte-in kawtthler lun tak tak \hin te pawh a ruak vek tawh a ni.

0
45
views

UK Prime Minister, Boris Johnson chuan \ul bik thil leh pawimawh zual tih loh chu coronavirus inkaichhawn zel tur dan nan pawn chhuak lo turin mipuite a hriattir a, London-a lei pawimawh tak Millennium Bridge-ah pawh lirthei veivak hmuh tur an awm tawh lo a ni.

France ramah pawh Mediterranean tuipui, Promenade des Anglais chu sorkarin a khar vang leh mipuiten pawn an chhuah ngam loh vangin a reh tlawk tlawk a, United Arab Emirates chuan khualzin mite an rama luh a khap vangin Dubai-a tuipui kam lun takah te pawh mihring hmuh tur an awm lo a ni. Italy-ah chuan Milan khawpuia Piazza Duomo chu thlaler ramro ang mai a ni zo tawh a, eitur zawrhna hmun leh damdawi zawrhna te chauh hawn phal a nih vangin kawtthler te chu a reh tlawk tlawk a ni. Delhi-a khualzin mite punkhawm tamna ber Taj Mahal-ah pawh mihring hmel hmuh tur a awm lo va, New York khawpuiah chuan zirna in, restaurant, bar leh mipui punkhawm theihna reng reng khar a nih bawk vangin an khawlai leh kawngpuite chu a reh hle bawk. Hetiang bawk hian khawvel ram hrang hrangah mihring leh lirthei veivak hmuh tur an awm tawh mang lo a ni.