Nitin coronavirus kai thar an awm zel a, tun dinhmunah mi 34,546-in coronavirus an vei tawh a ni. Thailand-ah pawh mi 7 vei thar an awm tih finfiah a ni a, chung zinga 3 chu Thailand mi an ni a, 4 te chu China mi an ni.
Thailand-a coronavirus kai thar zinga pakhat chu China a\anga an ram sorkarin a ram mite Wuhan a\anga a hruai haw 138 zing ami a ni.
Hetihlai hian United Arab Emirates-ah pawh mi 2 kai thar an awm bawk. Singapore-ah chuan China-a coronavirus leng vanga thuneituten mipuite fimkhur tur leh invawng uluk tura a hriattir hnuah eitur leh inchhungkhur mamawh lam chi zawrhna dawrte chu a lun hle a, kar lovah heng dawra thil zawrh te hi a zo nghal duak a ni. Singapore-ah hian mi 33-in an vei tawh tih finfiah a ni a, inkaichhawn theih natna a nih vangin pawn chhuak tam lo turin sorkar chuan mipuite a ngen a ni.
US chuan coronavirus kai US mi pakhat a thi tih a puang a, hei hi kum 60 mi a ni a, Wuhan damdawi inah a thi a ni.
Hong Kong chuan coronavirus a \aidarh chak loh nan China a\anga an rama lutte chu kar hnih chhung a dah hrang a, hotel leh sorkar enkawl inah te mahnia insaseng a, inkhung hrang turin an hriattir a ni.
He an dan siam thar hi bawhchhia an awm chuan pawisa chawi leh lung in tantira hrem theih a ni.
