Covid-19 kai an tam vanga mipui khuahkhirhna kalpuina hmunah sorkar hnathawk leh sumdawnna pisaa thawkte chu in lama hnathawk tura tih an ni a, thuchhuah dang awm hma chu pisa kai lo tura hriattir an ni.

0
75
views

Union Health Ministry chuan in lama hna an thawh hun chhung chu chawlh lak angah chhiar a ni dawn lo tih a sawi a, pisa kai zinga Covid-19 an awm palh chuan building zawng zawng khar a, natna hrik thahna hloa then thianghlim a nih hnuah chauh hna an thawk zawm thei ang a ti a, hri kai hmuh chhuah an tam chuan darkar 48 chhung building chu khar a ni ang a, in lamah hna an thawk zawm ang tih a sawi bawk.

Hetihlai hian hri kai tamna hmunah chuan damdawi in leh a kaihhnawih leh nitin khawsakna mamawh zawrhna hmun tih loh zawng chu khar chhunzawm zel a ni ang a, kum 65 chin chunglam leh nu naupaite chu in lama tawmim rih tura hriattir an ni tih a sawi bawk.