CPI(M) MP Ritabrata Banerjee a awmna party-in hrem

0
462
views

Communist Party of India (Marxist) West Bengal MP, Ritabrata Banerjee chu vawiin khan an party committee atangin ban a ni. CPI(M) chuan Banerjee hi June ni 2 khan thil man to tak tak a lei leh nawmchenna lama pawisa hmang nasa a puh a nih avangin, an party chhunga a nihna atang hian chawlh tir a lo ni tawh a, chhui chian a nih hnuah, an party duh loh zawng thil ti thin leh a neih leh a sum lak luh inmil lo nia an hriat thu an party hruaitute chuan an sawi a, an puhna te hi pha mahse, finfiahna an neihte a sawi fiah thei lo niin an sawi bawk a ni. Banerjee hi kumin kum tir lam khan Siliguri-a inkhel en tura a kalna-ah pen man to tak, Mont Blac pen leh sana man to, Apple Watch a nei tih hriatchhuah a ni a, hemi tuma a thla lo la tu hi a hna atanga ban turin a hnathawhna hmunah te pawh a dil hial a ni.