Cyclone Amphan tia hriat chu darkar 12 chhungin na takin a tleh dawn tih Delhi Weather office-in a tarlang a, State pahnih, Bengal leh Odisha te chu inralring tura hriattir an ni a, Nilaini khian he thli hian Bengal a nuai dawn nia hmuh lawk a ni.

0
368
views

He thlipui, Amphan hi darkar khata km 13-a na-in Bengal thlang lam leh a laihawl velah a tleh dawn a, Bay of Bengal a nuai tel bawk ang. Amphan thli hi darkar 12 a tleh chhung hian a na telh telh dawn tih India Meteorological Dept. chuan a tarlang a ni.

Sangha mantute chu Bay of Bengal hmar lam leh West Bengal leh Odhisa tuipuiah te Nilaini thleng chu fehchhuak lo tura hriattir an ni a, hmun hniam lai leh tuipui hnaiha chengte pawh an himna ngaihtuaha insaseng tura ngen an ni bawk. Odisha leh Bengal-ah hian National Disaster Response Force team 17 tirh an ni a, pawl dang 7 te chu Bengal district 6 ah insemdarhin pawl dang 10 te chu Odisha-ah tirh an ni.