Cyclone tuartu mi sang chuangin tui leh eitur an tlakchham avangin May ni 7 khan kawng an zawh a, police te chuan tiang hmangin heng mite hi an hnawt darh a, District collector pisa gate hmaah hmeichhe 30 vel chuan Jagannath Basti colony-ah \anpuina a la thleng lo tih sawiin, gate-a lut chhuak turte an dang a, he colony hi collector pisa a\ang km 4 chauh-a hlaa awm a ni.
National Human Rights Commission chuan mipuite harsatna tawh chu an hriatthiam thu sawiin Odisha sorkar in NGO leh central sorkar nen hma an lak mek thu a hriatthiam thu a sawi a, hetihlai hian \anpui ngai zual te hriattir an \ul avangin Odisha sorkar chu lehkha hi an thawn tih an sawi a, Odisha sorkar chief secretary chu media lama heng report te hi ngaihvena hma la turin an hrilh a, kar 6 chhunga a report thehlut turin an ti a ni.
