Zirtawpnia Odisha-a nuai avang hian mi 8 an thi a, daprap in tam tak a ti chhia a, ruah nasa tak a sur tel avangin khaw engemaw zat tuiin a chim a ni. Thli hi darkar khata km 175-a chakin a tleh a ni.
Cyclone Fani hian zing lamah West Bengal nuai lehin darkar khata km 30 a\anga 40 vela chakin a tleh a, mi 5 an hliam a ni. Regional Meteorological Centre-a Deputy Director General Sanjib Bandyopadhyay chuan Fani hi hmar chhak lam hawia a tleh rin a ni a, a tleh chak zawng hi a nat ber laiin darkar khata km 70 vel a ni ang a, a thleh na lo tial tial dawn tih a sawi.
Kolkata thlawhna \umhmun khar lailawk chu tukin dar 9:57 khan hawng lehin, thlawhna thlawhchhuah tir leh an ni a, Seldah leh Howrah-ah rel te pawh tlan tir leh an ni.
Odisha-a cyclone tleh nat berna hmun Chilka leh Puri bialah hian chhanchhuah hna ngawrh taka thawh mek a ni a, Air India chuan mipui te mamawh a thlawna an thawn sak tur thu a puang a. PM Modi chuan Odisha leh West Bengal Governor te biain an dinhmun a sawipui a, sorkar laipui chuan a \anpui chhunzawm zel tur thu a hrilh a ni.
