Dalit pawl hrang hrang-te’n Bharat Bandh huaihawt leh

0
341
views

Ramchhung hmun hrang hrangah vawiin khan Dalit pawl hrang hrangte’n Bharat Bandh an huaihawt leh. Puan tawh angin Dalit hnam te chuan tunhnaia Supreme Court-in SC/ST (Prevention of Atrocities) Act a siam\ha chu an dodal nasa hle a, hei hian hnam hnuaihnung zawkte humhimna a tichhia niin an sawi a, kar kalta pawh khan Bandh an lo huaihawt tawh a, hmun hrang hranga buaina chhuakah mi 9 an thi tawh a ni. Boruak sosan zualna, Uttar Pradesh-ah chuan vawiin khan zirna in zawng zawng khar a nih bakah internet pawh tihtawp lailawk a ni tih thuneitute chuan an sawi a, hmun tam zawkah buaina a chhuah mai theih reng avangin, police-te pawh an inralring reng tih an sawi bawk a, Ghaziabad-ah chuan mi 32 man an nih tawh bakah, mi 5000 lakah vantlang leh sorkar thil tih chhiat leh buaina siam thubuai ziah luh a ni tawh bawk a ni. Bihar-ah pawh Bandh vang hian r>l kawng leh motor kalkawng-te pawh dan pin a ni a, hmun hrang hranga buaina chhuakah mi 12 vel hliam an awm tawh tih thuneitute’n an sawi.