Darkar 24 chhunga India ram chhunga coronavirus kai thar an tam ber tum a thleng leh a, mi 5,242 hmuh belh an ni, heng mite nen hian coronavirus kai tawh zawng zawng chu mi 96,169 an tling tawh.

0
93
views

Union Health Ministry chuan mitthi 3,029 an awm tawh tih a tarlang a, sorkar laipui chuan state sorkar te chu hmun hrang hranga coronavirus kai dan chhinchhiah nan rawng hrang hrang hmang tura hrilhin, hemi mil hian mipuite khawsak phung khuahkhirhna kalpui turin a ti a ni.

Ram chhunga coronavirus kai awm tamna ber Maharashtra-ah chuan mi 33,000 kai an awm tawh a, ni khat chhungin mi 2,347 kai thar an awm a, Health ministry-in a chhinchhiah danin tukin thleng khan ram puma hri kai dam tawh zat chu za zela 38.29 a tling a, mi 36,824 enkawl dam an ni tawh a ni.

Sorkar laipui chuan hri awm tamna hmunah te khuahkhirhna khauh tak kalpui chhunzawm zel turin a ti a, hmun dangah te chuan hnathawh leh vah chhuahte pawh khuahkhirhna hnuaiah hal a ni tawh a, bus leh lirthei dangte pawh an tlan chhuak thei tawh a ni. Hetihlai hian thlawhna, metro, mall, gym, cinema leh puipunna lian tham chi reng reng chu hawn a la khap chhunzawm a ni.

Delhi-ah chuan coronavirus kai mi sing khat chuang an awm tawh a, darkar 24 chhungin mi 721 kai thar an awm a ni. Delhi Chief Minister, Arvind Kejriwal chuan inkharkhip chhunga sorkar laipuiin kaihhruaina a siam chu Delhi sorkar ngenna thlen nen a inmil tih a sawi a, state sorkarin Delhi khawpui inkaihhruai dan tur chu kimchangin a la puang ang tih a sawi.

Tamil Nadu-ah chuan darkar 24 chhungin case thar 639 hmuh belh a ni a, heng mite nen hian Tamil Nadu-a case awm zawng zawng chu sing 1 a chuang tawh a, thuneitute chuan thlawhna leh rel hmanga an state-a haw mi 174 te chu an positive tih a tarlang a ni.

Madhya Pradesh-ah chuan Indore |umhmun-a Kuwait a\anga thlawk haw mi 24 an positive a, heng mite nen hian Madhya Pradesh-ah hri kai mi 4,977 an awm tawh a, mi 248 an thi tawh a ni.

Austrialian leh European Union-in Covid-19 do kawnga WHO hnathawh dan chhui tura hma an laknaah ram 62-in he hmalakna hi thlawpin chung zingah chuan India pawh a tel ve a ni.