Dawood Ibrahim chu Pakistan ramah a awm mek niin a nau-in sawi

0
330
views

Mi firfiak, India ramin man a duh ber pakhat, Dawood Ibrahim chu Pakistan ramah a awm mek niin a nau, Iqbal Kaskar-a’n a sawi a, Thawhlehni khan Iqbal hi Mumbai-ah mi pawisa chhuh luih a tum avangin man a ni a, Intelligence Bureau-miten thu an zawhfiahna-ah a unaupa awmna hi a sawi bakah, ngaihthlak ruk a hlauh avangin a chhungte leh a pawlte pawh a be pawp ngam rih lo niin a sawi a, Dawood-a bulah hian an unaupa tho, Anees Ibrahim pawh a awm ve nia sawiin, tun hnaiah vawi li vawi nga a inbia niin a sawi bawk a ni. Puan tawh angin Dawood hi thubuai tam tak avangin man tumin police-ten kum 20 chuang an zawng tawh a, a thubuai zingah, mi 257 thihna, kum 1993-a Mumbai-a pawi khawihna rapthlak tak pawh kha a tel a ni. Dawood Ibrahim hi Pakistan rama Karachi-ah a cheng mek niin India police-te pawhin an lo sawi tawh \hin a, hei hi UN pawhin a lo nemnghet tawh a ni. Maharashtra Navnirman Sena hotupa, Raj Thackeray-a chuan, Dawood-a hian a hun hnuhnung lam chu India ramah hman a duh avangin, a lo kir leh dan tur ruahmanpui turin sorkar a dawr mek niin a sawi a, tunah hian Dawood-a hi ram tui lei lo, che \ha thei tawh vak lo-in a awm niin a sawi. Iqbal Kaskar-a hi kum 2003-ah khan United Arab Emirates a\angin India ramah rawn thawn luh a ni a, police-te sawi danin, Dawood Ibrahim-a hi ruihhlo-a sumdawng a ni a, tunah phei chuan a sumdawnna hian Africa leh even South America pawh a thleng tawh a, Iqbal Kaskar-a hian Mumbai-a in hmun lo ram zuara a sumdawnna lam a enkawl thung niin an sawi. Tuna an manna pawh hi he sumdawnna kaihhnawih thilah hian a ni a, Dawood-a hming chhalin Kaskar-a hian Thane-a in hmun lo ram zuara sumdawng pakhat chu a vau reng a, in satu pakhat chu in pali leh cheng nuai 30 a laksak nia sawi a ni.