Sitharaman chuan Rahul Gandhi chu ralthuam lei kalphung hrethiam lo-ah a puh bawk a, Congress sorkar laia Defence Minister, AK Antony-a zawt fiah turin a ti bawk a, hriatthiam tak tak tum si lovin dik lo takin mipui a kaihruai niin a sawi bawk a, Congress sorkar lai ai khan tuna kalphung chu langtlang zawk a nih thu te a sawi bawk a ni. Puan tawh angin France siam Rafale indo thlawhna lei chungchangah hian dik lo taka thiltih tam tak a awm niin Rahul Gandhi hian a lo sawi tawh \hin a, indo thlawhna hi ramchhunga siam chhunzawm tur pawhin Reliance chu uchuak taka duhsakah sorkar laipui chu a puh bawk a ni.
