Delhi hmarchhak Bhajanpura, Maujpur and Karawal Nagar chhehvelah chuan Nilai zan khan buaina a chhuak leh a, mi in leh lo te an hal bawk a ni.
Hemi hmalam hian National Security Advisor Ajit Doval chuan he lai hmun hi a tlawh a, remna leh muanna a awm theih nana sorkar hmalak dan tur a enfiah a ni.
Prime Minister, Narendra Modi chuan hemi chungchangah hian a \um khat nan thuchhuah a siam a, ralmuang taka mipuite an awm theih nan lungrual taka awm turin a sawm a ni. Home Minister Amit Shah chuan buaina thunun theih loha a awm fo chu tihreh dan ngaihtuah turin mi pawimawhte a kawm a, hetihlai hian Delhi Police te chuan he buaina kaihhnawihah hian FIR 18 an ziaklut a, mi 106 an man tawh bawk.
Delhi High Court chuan thu dengkhawng leh mi rilru tina thei, sakhua leh chi inkara buaina thlen thei thu sawi thintute lakah FIR siam turin Police te a hrilh a, hemi hmalam hian BJP hruaitu 4, Union Minister, Anurag Thakur leh local leader Kapil Mishra te telin heng mite hian CAA vanga buaina chhuahna hmunah mi fuihpawrh zawngin thu an sawi nia sawi a ni.
Hetihlai hian NSA Ajit Doval chuan police \hahnem tak hruaiin buaina chhuahna hmun chu a \um hnih nan a tlawh leh a, remna leh muanna vawnnun vat a tum tih a sawi a ni.
