Delhi-a khawchin zirna hmunin a tarlan danin India ram khawpui ber, Delhi-ah a ni telin boruak a chhe telh telh a, Delhi bakah a chhehvel khawpui dang, Gurgaon, Noida, Greater Noida, Ghaziabad leh Faridabad te chu tukin khan chhum bawlhhlawh chhah takin a tuam a ni.

Air Quality and Weather Forecasting and Research chuan state \henawma buh leh vaimim chhumna kang vangin boruak hi a chhiat belh niin a tarlang a, hei vang hian boruak chu zaa 6-in a bawlhlawh belh phah thei tih a tarlang bawk a ni.

Hetihlai hian Delhi sorkar chuan NASA a\anga lak leilet kang thlalak a tichhuak a, Delhi Environment Minister, Kailash Gehlot chuan Union Minister for Earth Sciences Harsh Vardhan chu lehkha thawnin boruak bawlhhlawh zel tur dan nan, Air Quality and Weather Forecast System SAFAR data lak chhuah theih dan tur a dil a ni.